*_ఈ విలయం నీ లయమే..!_*

😡😡😡😡😡😡😡

*_ఓ మనిషీ.._*

నువ్వే వికృతై 

ప్రకృతిని మింగేస్తూ 

కరవని ఏకరవు పెడితే ఎలా..

ఇది నీ ఖేలా..

ఇలా అయితే 

ఈ జగతిన

*_నువ్వే మిగులుతావు అఖేలా..!_*

*_ఓ మనిషీ.._*

నిన్ను మించిన విలనున్నాడా..

నీ తిండి కోసం..

నీ నివాసం కోసం..

నీ విలాసం కోసం..

మొత్తంగా నీ అన్నిటి కోసం

చెట్టు చేమ..పండు కాయ..

రాయి రప్ప..

పుష్పం..తోయం..

ఆకు అలమ..

అన్నిటినీ 

హరియించేస్తూ పోతే

*_ఒకనాటికి నువ్వే_* 

*_హరీ అనవా మరి..!_*

*_ఓ మనిషీ.._*

నేల..నింగి..గాలి..

నీరు..నిప్పు..

ఇలా పంచభూతాలు

నీ స్వార్థానికి సమిధలై..

నీ ఎదుగుదలకు పునాదులై..

ఇలా నువ్వే విధ్వంసరచన

సాగిస్తుంటే..

*_నేటి సమిధలే_* 

*_రేపటి నీ సమాధులు..!_*

*_ఓ మనిషీ.._*

ఉట్టికెగరలేనమ్మ

స్వర్గానికి ఎగరబోయినట్టు

నువ్వు నివసిస్తున్న 

భూమినే ధ్వంసం చేసి

చంద్రుడిపై ఇల్లు కడతావట..

ముందు నీ కింద నేలను

సక్రమంగా ఉంచి 

అప్పుడు నింగికి 

వెయ్యవయ్యా నిచ్చెన..

ఇలాగే అత్యాశకు పోతే

*_విలయమే..విధ్వంసమే..!_*

*_ఓ మనిషీ.._*

ఇప్పటికే నీ చుట్టూ 

ఎంతో కరవు..

మంచితనం..మానవత్వం..

జాలి..కరుణ..దయ..

ఇవన్నీ ఎప్పుడో గయా..

ఇప్పుడేమో 

ప్రకృతి వనరుల కరవు..

మండుతోంది భూగోళం..

ఎండుతోంది పాతాళం..

భవితేమో గందరగోళం..

ఇన్ని జరిగినా మారని 

నీ మేళం..

ఒకనాటికి ప్రకృతి అనే ఖజానాకు

*_నీకు నువ్వే వేసేసే తాళం..!_*

*_ఓ మనిషీ .._*

నదులు ఎండుతున్నా..

పొలాలు బీటలు వారుతున్నా..

వానలు లేకున్నా..

సునామీలు ముంచెత్తుతున్నా..

తుపానులు కమ్ముకొస్తున్నా..

*_అడవులు అంతరిస్తున్నా.._*

ఎండలు మండిపోతున్నా..

అంతమే పొంచి ఉన్నా 

వింతగా నువ్వు మారవేం..

నీ ఎదుట 

*_కనిపిస్తున్న దృశ్యం.._*

*_నీ ఆత్మహత్యాసదృశం..!_*

_సురేష్..9948546286_

           _7995666286_