(583) (26.03.2026)

నాన్నా నన్ను అమెరికా వెళ్ళమని అంటున్నారు

మీరేమో అనారోగ్యంతో మంచపట్టి ఉన్నారు

నేనా ఒక్కగానొక్క కొడుకుని

ఈ సమయంలో మీ దగ్గర ఉండాల్సిన వాడిని //

మీకేమో నన్ను ఉన్నత స్ధానంలో చూడాలని

నాకేమో మిమ్మల్ని చూచుకోవాలని

వైద్యులు కూడా చేతులు ఎత్తేసినారు

మీరేమో ఏమి కాదు అని అంటున్నారు //

మిమ్మల్ని వదిలి నేను వెళ్లలేను

వెళ్ళినా చదువు మీద శ్రద్ధ పెట్టలేను

ఆఖరి దశలో మీ చెంతనే ఉండాలని

మీ బాగోగులు చూచుకోవాలని //

నేనా ఈ ఇంటికి వారసుడిని

ఆపై తోబుట్టువులు అంటూ లేని వాడిని

రేపటి రోజు అవసరం వస్తే మిమ్మల్ని ఎవరు చూస్తారు

వైద్యుని దగ్గరకు ఎవరు తీసుకుని వెళతారు //

నే చదివిన చదువుకి ఇక్కడే ఓ మంచి ఉద్యోగం వస్తుంది

దగ్గరుండి మిమ్మల్ని చూచుకున్నట్టు ఉంటుంది

మీ తరువాతనే నాకూ ఏదైనా

ఈ సమయంలో  మీకు నా అవసరం ఎంతైనా //

నేను వెళితే అమ్మ ఒంటరి అవుతుంది

ప్రతి పనికి తనకి వెళ్ళడం కష్టం అవుతుంది

ఈ సమయంలో  కొడుకుగా బాధ్యత తీసుకోవాలి

 మీ కడుపున పుట్టినందుకు రుణం తీర్చుకోవాలి //

ఇంకొకసారి అమెరికా వెళ్ళమని అనకండి

ఈ సమయంలో మీకు నను దూరం చేయకండి

మిమ్మల్ని విడిచిపెట్టి ఎక్కడికి వెళ్ళను

మీకు మటుకు దూరంగా ఉండలేను //

మధిర వెంకట రమణ, హైదరాబాద్