*‘వర్జ్యం' గురించి చెప్పుకుందాం ....!!*

 

🌿వర్జ్య కాలమును నక్షత్రాన్ని బట్టి నిర్ణయిస్తారు.ప్రతి నక్షత్ర సమయంలో వర్జ్య కాలం ఉంటుంది.వర్జ్య కాలం అంటే విడువ తగిన కాలం.అశుభ సమయం.శుభకార్యాలు,ప్రయాణాలు ఈ సమయంలో చేయకూడదు.

🌸ప్రతి నక్షత్రానికి వర్జ్యం 4 ఘడియలు లేదా 96 నిమిషాలు ఉంటుంది.

జన్మ జాతకంలో లగ్నం స్ఫుటం గాని,చంద్ర స్ఫుటం గాని,ఇతర గ్రహాలు గాని వర్జ్య కాలంలో ఉన్నట్లయితే ఆ గ్రహం యొక్క దశ,అంతర్దశలలో ఇబ్బందులు ఏర్పడతాయి.

🌿మనం ఏ శుభకార్యాన్ని ప్రారంభించాలనుకున్నా మంచి ముహూర్తం చూసుకుని ఆయా శుభకార్యాలకి శ్రీకారం చుడుతుంటాం. దైవకార్యాలకీ, శుభకార్యాలకీ కూడా మంచి ముహూర్తం చూసుకుంటాం. 

🌸ముహూర్తం ఏ మాత్రం కాస్త అటుఇటు అయినా ఆ శుభకార్యానికి ఆటంకాలు ఏర్పడతాయేమోననే బలమైన విశ్వాసం వుండటంతో ముహూర్తాల విషయంలో ఎంతో జాగ్రత్తగా వ్యవహరిస్తూ వుంటాం.

🌿ఈ నేపథ్యంలోనే 'వర్జ్యం' అనే పదం ఎక్కువగా వినిపిస్తూ వుంటుంది. 'వర్జ్యం' అంటేనే విడువదగినది అని అర్థం. వర్జ్యంలో ఎలాంటి శుభకార్యాలు ప్రారంభించడంగానీ, శుభకార్యాలకి బయలుదేరడం కాని చేయకూడదు. 

🌸ఈ కారణంగానే పెద్దలు 

ఈ విషయంలో జాగ్రత్తగా వ్యవహరిస్తూ వుంటారు.

వర్జ్యంలో దైవకార్యాలు గానీ, శుభకార్యాలుగాని చేయకూడదని అంటూ వుంటారు కాబట్టి, 

ఆ సమయంలో ఏం చేస్తే బావుంటుందనే సందేహం చాలా మందిలో తలెత్తుతూ వుంటుంది. 

🌿ఆ సమయంలో దైవారాధనకి సంబంధించిన అన్ని పనులతో పాటు, శక్తి కొద్ది దానం కూడా చేయవచ్చని శాస్త్రం చెబుతోంది.

🌸ఈ సమయంలో దానాలు చేయడం వల్ల చాలాదోషాలు తొలగిపోతాయని శాస్త్రాలు చెబుతున్నాయి.

🌿వర్జ్యం వున్నప్పుడు దైవనామస్మరణ .. పారాయణం .. స్తోత్ర పఠనం .. సంకీర్తన .. భజనలు మొదలైనవి చేయవచ్చని శాస్త్రం చెబుతోంది. 

🌸అంతే కాకుండా దేవుడి సేవకి సంబంధించిన వివిధ రకాల ఏర్పాట్లను చేసుకోవచ్చని అంటోంది. ఈ విధంగా చేయడం వలన వర్జ్యం కారణంగా కలిగే దోషాలు ఏమైనా వుంటే అవి తొలగిపోతాయనే విషయాన్ని స్పష్టం చేస్తున్నాయి...