💯 రోజుల HFN St🌍ryతో

♥️ కథ-18 ♥️

చదివే ముందు... మెల్లగా కళ్లు మూసుకుని... మనం చేయాల్సిన పనులన్నింటికీ కృతజ్ఞతలు తెలపండి...

 *పని- ఆరాధన* 

కేప్ టౌన్ లో హామిల్టన్ అనే పేరు గల వ్యక్తి , చదవడం లేదా వ్రాయడం రాకపోయినప్పటికీ, మాస్టర్ ఆఫ్ మెడసిన్ డిగ్రీ ని పొందారు.

ఇది ఎలా సాధ్యమైందో చూద్దాం.. 

కేప్ టౌన్ మెడికల్ యూనివర్సిటీ వైద్యం ప్రపంచంలో ప్రముఖ స్థానాన్ని కలిగి ఉంది.

ప్రపంచంలోనే మొట్టమొదటి బైపాస్ ఆపరేషన్ ఇదే యూనివర్సిటీలో జరిగింది.

 

మాస్టర్ ఆఫ్ మెడిసిన్ డిగ్రీ ని తన జీవితంలో పాఠశాలను కూడా చూడని, ఆంగ్లంలో ఒక్క పదం కూడా చదవడం లేదా వ్రాయడం రాని వ్యక్తికి గౌరవ డిగ్రీని ప్రదానం చేశారు. 

కానీ 2003లో ఒక రోజు ఉదయం, ప్రపంచ ప్రఖ్యాత సర్జన్ ప్రొఫెసర్ డేవిడ్ డెంట్ యూనివర్సిటీ ఆడిటోరియంలో ఇలా ప్రకటించారు, "ఈ రోజు మనం ప్రపంచంలో అత్యధిక సర్జన్లను తయారు చేసిన వ్యక్తికి వైద్యంలో గౌరవ డిగ్రీని ప్రదానం చేస్తున్నాము.. ఈ అసాధారణ ఉపాధ్యాయుడు ఎవరు, ఒక అద్భుతమైన సర్జన్, అతను వైద్య శాస్త్రాన్ని అభ్యసించి మానవ మేధసును ఆశ్చర్యపరిచాడు."

 

ఈ ప్రకటనతో, ప్రొఫెసర్ "హామిల్టన్" అని పేరు పిలవడంతో ఆడిటోరియం మొత్తం నిలబడి చపట్లు కొటిన్నారు! ఈ యూనివర్సిటీ చరిత్రలో ఇది అతిపెద్ద స్వాగతం.

 

హామిల్టన్ కేప్ టౌన్‌లోని మారుమూల గ్రామమైన సనిటానిలో జన్మించాడు. అతని తల్లిదండ్రులు గొర్రెల కాపరులు. అతను మేక చర్మాన్ని ధరించి, రోజంతా చెప్పులు లేకుండా పర్వతాల మీద నడిచాడు. చిన్నతనంలో తండ్రి అనారోగ్యం పాలవడంతో గొర్రెలు, మేకలను వదిలేసి కేప్ టౌన్ కు వెళ్లాడు.

ఆ రోజుల్లో కేప్ టౌన్ విశ్వవిద్యాలయ నిర్మాణం జరుగుతోంది. అక్కడ కూలీగా చేరాడు. కష్టపడి పనిచేసి,వచ్చిన డబ్బును ఇంటికి పంపేవాడు, ఏదో కొన్ని  గింజలు నమిలి బహిరంగ మైదానంలో పడుకునేవాడు.

కొన్నాళ్లు కూలీగా పనిచేశాడు. నిర్మాణ ప్రక్రియ ముగియడంతో, అతనికి టెన్నిస్ కోర్ట్ లో పెరిగే గడ్డి కోత పని చెప్పారు.

అతను ప్రతిరోజూ టెన్నిస్ కోర్టుకు వెళ్లి గడ్డిని కోయడం ప్రారంభించాడు. ఇలా మూడేళ్లు చేశాడు. 

అప్పుడు అతని జీవితంలో ఒక విచిత్రమైన మలుపు తిరిగింది, అతను వైద్య శాస్త్రంలో మరెవరూ లేని స్థాయికి చేరుకున్నాడు.

 

 ఒక ఉదయం జిరాఫీలను పరిశోధిస్తున్న ప్రొఫెసర్ రాబర్ట్ జాయిస్ ఈ విషయాన్ని పరిశోధించాలనుకున్నాడు - జిరాఫీ నీరు త్రాగడానికి మెడను వంచినప్పుడు, దానికి ఎందుకు మూర్ఛ రాదు?

 

వారు ఆపరేటింగ్ టేబుల్‌పై జిరాఫీని పడుకోబెట్టారు, జీరాఫీని అపస్మారక స్థితికి చేర్చారు, కానీ ఆపరేషన్ ప్రారంభించిన వెంటనే, జిరాఫీ తల ఊపింది. కాబట్టి ఆపరేషన్ సమయంలో జిరాఫీ మెడను గట్టిగా పట్టుకోవడానికి వారికి బలమైన మనిషి అవసరం అయ్యాడు.

 

ప్రొఫెసర్ థియేటర్ నుండి బయటకు వచ్చాడు. హామిల్టన్ అతని ముందు గడ్డి కోస్తున్నాడు, వారు అతనికి సైగ చేసి జిరాఫీ మెడ పట్టుకోమని ఆదేశించారు. హామిల్టన్ జిరాఫీ మెడను పట్టుకున్నాడు.

 

ఎనిమిది గంటలపాటు ఆపరేషన్ జరిగింది. ఈ సమయంలో, డాక్టర్ టీ మరియు కాఫీ విరామాలు తీసుకోవడం కొనసాగించాడు, అయినప్పటికీ హామిల్టన్ జిరాఫీ మెడ పట్టుకుని నిలబడ్డాడు. ఆపరేషన్ అయిపోగానే నిశ్శబ్దంగా బయటకు వెళ్లి మళ్లీ గడ్డి కోయడం మొదలుపెట్టాడు.

మరుసటి రోజు ప్రొఫెసర్ మళ్ళీ అతనికి ఫోన్ చేశాడు. అతను వచ్చి జిరాఫీ మెడను పట్టుకుని నిలబడ్డామనాడు, అది అతని దినచర్యగా మారింది.

అతను చాలా నెలలు రెట్టింపు పనిచేశాడు. అతను ఈ పనికి ఎలాంటి అదనపు పరిహారం డిమాండ్ చేయలేదు లేదా ఫిర్యాదు చేయలేదు.

 

ప్రొఫెసర్ రాబర్ట్ జాయిస్ అతని పట్టుదల మరియు చిత్తశుద్ధికి ముగ్ధుడయ్యాడు. హామిల్టన్ టెన్నిస్ కోర్ట్‌లో మొవర్ నుండి ల్యాబ్ అసిస్టెంట్‌గా పదోన్నతి పొందాడు. అతను ఇప్పుడు విశ్వవిద్యాలయానికి వచ్చి, ఆపరేషన్ థియేటర్‌కి వెళ్లి సర్జన్లకు సహాయం చేసేవాడు. ఈ ప్రక్రియ చాలా సంవత్సరాలు కొనసాగింది.

 

1958లో ఆయన జీవితంలో మరో మలుపు తిరిగింది. ఆ ఏడాది డాక్టర్ బెర్నార్డ్ యూనివర్సిటీకి వచ్చి గుండె మార్పిడి ఆపరేషన్లు ప్రారంభించారు.

 

హామిల్టన్ అతని సహాయకుడు అయ్యాడు మరియు ఈ ఆపరేషన్ల సమయంలో, అతను సహాయకుడి నుండి అసిస్టంట్  సర్జన్‌గా మారాడు.

 

ఇప్పుడు వైద్యులు ఆపరేషన్ తర్వాత, హామిల్టన్‌కు కుట్టు పనిని అప్పగించారు. అతను అద్భుతమైన కుట్లు వేసేవాడు. అతని వేళ్లలో నైపుణ్యం మరియు వేగం ఉన్నాయి. ఒక్కరోజులో యాభై మందికి కుట్లు వేసేవాడు. ఆపరేషన్ థియేటర్‌లో పనిచేస్తున్నప్పుడు, అతను సర్జన్ల కంటే ఎక్కువగా మానవ శరీరం గురించి అర్థం చేసుకోవడం ప్రారంభించాడు. దాంతో సీనియర్ డాక్టర్లు జూనియర్ డాక్టర్లకు బోధించే బాధ్యతను ఆయనకు అప్పగించారు.

 

అతను ఇప్పుడు జూనియర్ వైద్యులకు శస్త్రచికిత్స పద్ధతులను బోధించడం ప్రారంభించాడు. అతను క్రమంగా విశ్వవిద్యాలయంలో అత్యంత ముఖ్యమైన వ్యక్తి అయ్యాడు. అతనికి వైద్య శాస్త్ర నిబంధనలు తెలియవు. కానీ అతను ప్రపంచంలోనే అత్యుత్తమ సర్జన్.

1970లో కాలేయం(లివర్)పై పరిశోధన ప్రారంభించినప్పుడు అతని జీవితంలో మూడవ మలుపు వచ్చింది. కాలేయ మార్పిడిని సులభతరం చేసే శస్త్రచికిత్స సమయంలో అతను అలాంటి ఒక లివర్ అర్తెరీని గుర్తించాడు.

 

అతని వ్యాఖ్యలు వైద్య శాస్త్ర వేత్తలను ఆశ్చర్యపరిచాయి.

 

నేడు, ప్రపంచంలోని ఏ మూలలోనైనా ఒక వ్యక్తికి లివర్ ఆపరేషన్ జరిగినప్పుడు, రోగి తన కళ్ళు తెరిచి కాంతిని చూసినప్పుడు, ఈ విజయవంతమైన ఆపరేషన్ యొక్క ప్రతిఫలం నేరుగా హామిల్టన్‌కు వస్తుంది.

 

"హామిల్టన్" చిత్తశుద్ధి మరియు పట్టుదలతో ఈ స్థానాన్ని సాధించాడు. అతను కేప్ టౌన్ విశ్వవిద్యాలయంతో 50 సంవత్సరాల అనుబంధం కలిగి ఉన్నాడు, ఆ 50 సంవత్సరాలలో అతను ఎప్పుడూ సెలవు తీసుకోలేదు.

రాత్రి మూడు గంటలకు ఇంటి నుంచి బయలుదేరి యూనివర్సిటీకి 14 మైళ్లు నడిచి వెళ్లి సరిగ్గా ఆరు గంటలకు థియేటర్‌లోకి వచ్చేవాడు. అతన్ని  టైమింగ్‌ వల్ల ప్రజలు తమ వాచీలను సరిచేసుకునేవారు. 

 

వైద్య శాస్త్రంలో ఎవ్వరికీ లభించని గౌరవం ఆయనకు లభించింది.

 

అతను వైద్య చరిత్ర యొక్క మొదటి నిరక్షరాస్యుడైన ఉపాధ్యాయుడు.

అతను తన జీవితకాలంలో 30,000 మంది సర్జన్లకు శిక్షణ ఇచ్చిన మొదటి నిరక్షరాస్యుడైన సర్జన్.

అతను 2005 లో మరణించాడు, విశ్వవిద్యాలయంలో ఖననం చేయబడ్డాడు. వైద్య  విద్యార్థులు డిగ్రీ పొందిన తర్వాత అతని సమాధిని సందర్శించి ఫోటో దిగడం, ఆపై ఆచరణాత్మక జీవితంలోకి అడుగు పెట్టడం తప్పనిసరి చేశారు.

ఇంతకీ ఆయనకు ఈ పదవి ఎలా వచ్చిందో తెలుసా?

 

ఒకే ఒక్క "ఒకే".( "Yes")

 

జిరాఫీ మెడ పట్టుకోడానికి ఆపరేషన్ థియేటర్‌కి పిలిచిన రోజు. అతను ఆ రోజు నిరాకరించి, "నేను గ్రౌండ్స్ మెయింటెనెన్స్ వర్కర్‌ని, జిరాఫీ మెడ పట్టుకోవడం నా పని కాదు" అని చెప్పి ఉండవచ్చు.

 

ఆ "ఒకే" మరియు అదనపు ఎనిమిది గంటల కృషి అతనికి విజయానికి తలుపులు తెరిచింది మరియు అతను సర్జన్ అయ్యాడు.

 

"మనలో చాలా మంది జీవితమంతా ఉద్యోగం కోసం వెతుకుతూనే ఉంటాము. అయితే మనం కేవలం ఉద్యోగమే కాదు, పని కోసం వెతకాలి."

 

ప్రపంచంలోని ప్రతి ఉద్యోగానికి నిర్దిష్ట ప్రమాణాలు ఉంటాయి, ఆ ఉద్యోగం ప్రమాణాలకు అనుగుణంగా ఉన్నవారికి మాత్రమే అందుబాటులో ఉంటుంది. మీరు పని చేయాలనుకుంటే, మీరు ప్రపంచంలోని ఏదైనా పనిని కొన్ని నిమిషాల్లో ప్రారంభించవచ్చు, ప్రపంచంలోని ఏ శక్తి మిమ్మల్ని ఆపదు.

 

"హామిల్టన్" రహస్యాన్ని కనుగొన్నాడు, అతను ఉద్యోగం కంటే పనికి ప్రాధాన్యత ఇచ్చాడు. తద్వారా వైద్య శాస్త్ర చరిత్రనే మార్చేశాడు. 

 

అతను సర్జన్ ఉద్యోగం కోసం దరఖాస్తు చేసుకుంటే అతను సర్జన్ అయ్యి ఉండేవాడా? లేదు. కానీ అతను లాన్ మోవర్ను కింద పెట్టి, జిరాఫీ మెడను పట్టుకుని సర్జన్ అయ్యాడు.

పని కోసం కాకుండా కేవలం ఉద్యోగం కోసం వెతకడం వల్ల విఫలమయ్యే నిరుద్యోగులు ఉన్నారు. మీరు "హామిల్టన్" లాగా ప్రవర్తించడం ప్రారంభించిన రోజు, మీరు నోబెల్ బహుమతిని గెలుచుకుంటారు. గొప్ప, విజయవంతమైన వ్యక్తి అవుతారు.

మీ పని మీ శక్తిని హరిస్తుందా లేదా మీలో ఉత్సాహాన్ని నింపుతుందా? ఆ సమయంలో మీ వైఖరి ఎలా ఉంటుంది?

                         ♾️

" *పని కష్టమని మీరు భావించిన క్షణం, మీరు అలసిపోతారు. పనికే కట్టుబడి పనిని ఆస్వాదించండి."* 

 *దాజీ* 

హృదయపూర్వక ధ్యానం 💌

HFN Story team