Gossips మరియు rumours మీరు spread చేస్తున్నారా?.. ఐతే ఈ వీడియో చూడండి...

Gossips మరియు rumours మీరు spread చేస్తున్నారా?.. ఐతే ఈ వీడియో చూడండి...

Author Name:Bharatiya_vibes

Youtube Channel Url:https://www.youtube.com/@Bharatiyavibes-b3d

Youtube Video URL:https://www.youtube.com/watch?v=kOI7uSQ96lM



Transcript:
(00:00) గాసిప్స్ కొన్ని మాటలు కొన్ని జీవితాలను మార్చేస్తాయి. నమస్కారం అందరికీ ఈరోజు మనం ప్రతి ఇంట్లో ప్రతి ఆఫీసులో ప్రతి కాలేజీలో ప్రతి స్నేహితుల గ్రూపుల్లో జరిగే ఒక విషయం గురించి మాట్లాడుకుందాం. అదే గాసిప్స్ మనలో చాలామంది మేము తప్పు చేయలేదు కేవలం మాట్లాడుకున్నాం అంతే అని అనుకుంటూ ఉంటారు. కానీ ఆ మాట్లాడుకున్నాం అంతే అనే మాటల వల్ల కొన్నిసార్లు ఒక మనిషికి మనశశాంతి లేకుండా పోతుంది. మంచి పేరు పోతుంది.
(00:37) కొన్ని బంధాలు విరిగిపోతాయి. కొన్ని సందర్భాల్లో జీవితాలే దెబ్బతింటాయి. అందుకే ఈ వీడియోను చివరి వరకు చూడండి. అసలు గాసిప్ అంటే ఏమిటి గాసిప్ అంటే ఎవరి గురించి పూర్తి నిజం తెలియకుండా విన్న మాటలను ఇంకొకరికి చెప్పడం లేదా కొంచెం నిజానికి చాలా ఊహలను కలిపి ప్రచారం చేయడం కొన్నిసార్లు అది సరదాగా మొదలవుతుంది కానీ చివరకు అది ఒకరి జీవితంలో పెద్ద సమస్యగా మారిపోతుంది.
(01:12) గాసిప్స్ ఎందుకు ఎక్కువగా జరుగుతాయి? కొంతమందికి ఇతరుల జీవితాల గురించి తెలుసుకోవడం మీద ఆసక్తి ఎక్కువ. మరి కొందరికి తమ జీవితంలో చేయడానికి పనులు తక్కువగా ఉండడం వల్ల ఇతరుల విషయాలే చర్చగా మారిపోతాయి. మరి కొందరు నేను చెప్పింది ఎవరికీ చెప్పొద్దు అని మొదలు పెట్టి చెప్తారు. అదే మాట కొన్ని గంటల్లో 10 మందికి చేరిపోతుంది.
(01:39) గాసిప్స్ వల్ల వచ్చే నష్టాలు ఒక మంచి స్నేహం ముగిసిపోవచ్చు అలాగే ఒక కుటుంబంలో గొడవలు మొదలవ్వచ్చు భార్యా భర్తల మధ్య అపార్థాలు రావచ్చు. ఆఫీసులో మంచి పేరు పోవచ్చు పిల్లల ఆత్మవిశ్వాసం దెబ్బ తినవచ్చు. ఒక మనిషి చాలా కష్టపడి సంపాదించుకున్న గౌరవం కొన్ని నిమిషాల్లో పోవచ్చు మాట బయటకు వచ్చాక నేను అలా అనలేదు అని చెప్పినా ప్రయోజనం ఉండదు.
(02:10) సోషల్ మీడియా గాసిప్స్ ఈ రోజుల్లో సోషల్ మీడియా వల్ల గాసిప్స్ ఇంకా వేగంగా వ్యాపిస్తున్నాయి. ఒక ఫోటో ఒక వీడియో లేదా ఒక మెసేజ్ దాని వెనుక నిజం తెలుసుకోకుండా షేర్ చేయడం చాలా ప్రమాదకరం. మన ఒక్క షేర్ ఎవరికో పెద్ద నష్టం కలిగించవచ్చు గాసిప్స్ వింటే ఏం చేయాలి ముందుగా ఒక ప్రశ్న వేసుకోండి ఇది నిజమేనా దీనికి ఆధారం ఉందా నేను దీన్ని ఇంకొకరికి చెప్పాల్సిన అవసరం ఉందా జవాబు లేదు అయితే అక్కడితో ఆపేయండి.
(02:48) మంచి అలవాటు ఎవరైనా మీ దగ్గరకు వచ్చి ఒక విషయం చెప్పనా అంటే ముందు అది మంచి విషయమా లేదా ఇంకొకరి గురించి చెడు విషయమా అని తెలుసుకోండి. మంచి విషయం అయితే వినండి చెడు విషయం అయితే వినకుండా ఉండడం కూడా ఒక గొప్ప గుణం. చాలామంది అనుకుంటూ ఉంటారు ఇవన్నీ పాటించడం కష్టంగా ఉంటుంది అని కానీ పాటిస్తే ఫలితం మాత్రం చాలా బాగుంటుంది.
(03:18) మన మాటల విలువ మన నోటి నుండి వచ్చిన మాట తిరిగి లోపలికి రాదు. అందుకే మాట్లాడే ముందు ఈ మూడు ప్రశ్నలు వేసుకోండి. ఇది నిజమా ఇది అవసరమా? ఇది ఎదుటివారికి ఉపయోగపడుతుందా? ఈ మూడు ప్రశ్నలకు అవును అయితేనే మాట్లాడండి. ఒక చిన్న నిప్పురవ్వ మొత్తం అడవిని కాల్చేస్తుంది. అలాగే ఒక చిన్న గాసిప్ చాలామంది జీవితాలను ప్రభావితం చేస్తుంది.
(03:51) అందుకే నిప్పును ఎలా జాగ్రత్తగా చూస్తామో మాటలను కూడా అంతే జాగ్రత్తగా ఉపయోగించాలి. మనం మంచి మాటలు మాట్లాడితే మనవల్ల ఇంకొకరి ముఖంలో చిరునవ్వు వస్తుంది. చెడు మాటలు మాట్లాడితే మనవల్ల ఇంకొకరి కళ్ళల్లో కన్నీళ్లు కూడా రావచ్చు. ఎంపిక మన చేతిలోనే ఉంటుంది. గాసిప్స్ ను పంచే వారిగా కాకుండా మంచి ఆలోచనలను పంచే వారిగా మారుదాం.
(04:20) గుర్తుంచుకోండి మాటలకు ప్రాణం పోసేది మనమే. అదే మాటలు మనిషిని పైకి తీసుకెళ్ళగలవు. అదే మాటలు మనిషిని కిందకు కూడా పడేయగలవు. ఒక కత్తితో చేసిన గాయం కొంత కాలానికి మానిపోతుంది. కానీ మాటలతో చేసిన గాయం చాలామందికి జీవితాంతం గుర్తుండిపోతుంది. గాసిప్ చెప్పిన వ్యక్తి ఐదు నిమిషాల్లో మర్చిపోవచ్చు. కానీ దానివల్ల బాధపడిన వ్యక్తి మాత్రం నెలలు సంవత్సరాలు కూడా ఆ బాధను మర్చిపోలేకపోవచ్చు.
(04:53) అందుకే పెద్దలు చెప్పారు మాట జారితే తిరిగి తీసుకోలేమని చాలామంది అనుకుంటూ ఉంటారు మనం చెప్పింది ఇంకొకరి గురించి కదా మనకేం నష్టం అని కానీ నిజానికి ఎక్కువ నష్టం మనకే జరుగుతుంది. ఎందుకంటే ఈరోజు మీరు ఒకరి గురించి ఇంకొకరి దగ్గర మాట్లాడితే రేపు వాళ్ళు కూడా మీ గురించి అలాగే మాట్లాడుతారని నమ్మకం ఏర్పడుతుంది.
(05:22) అలా నెమ్మదిగా మీ మీద ఉన్న నమ్మకం తగ్గిపోతుంది. గౌరవం తగ్గిపోతుంది. మనిషి సంపాదించుకోవాల్సింది డబ్బు మాత్రమే కాదు మంచి పేరు కూడా ఆ మంచి పేరును మన మాటలతో మనమే పోగొట్టుకోకూడదు. ఒక చిన్న కథ చూద్దాం. ఒక గురువుగారు తన శిష్యుడికి ఒక దిండు ఇచ్చి దీన్ని చింపి అందులోని ఈకలను గాలిలో ఎగరవేయి అన్నాడు. శిష్యుడు అలాగే చేశాడు. కొద్దిసేపటి తర్వాత గురువుగారు ఇప్పుడు ఈ ఈకలన్నిటిని తిరిగి తీసుకురా అన్నాడు.
(05:58) శిష్యుడు ఆశ్చర్యపోయి అది ఎలా సాధ్యం గాలి వాటిని ఎటో తీసుకెళ్ళిపోయింది అన్నాడు. అప్పుడు గురువుగారు చిరునవ్వుతో మన నోటి నుండి బయటకు వెళ్ళిన మాటలు కూడా ఇలాగే వాటిని తిరిగి తీసుకురాలేం అని చెప్పాడు. ఈ చిన్న కథ మనందరికీ ఒక గొప్ప పాఠం నేర్పుతుంది. గాసిప్ చేసే ముందు ఈ నాలుగు ప్రశ్నలు వేసుకోండి. ఈ విషయం నిజమా? ఇది చెప్పడం అవసరమా? దీనివల్ల ఎవరికైనా ఉపయోగం ఉందా? ఈ మాటల వల్ల ఎవరికైనా బాధ కలుగుతుందా? ఈ నాలుగు ప్రశ్నల్లో ఒక్కదానికి కూడా సరైన సమాధానం లేకపోతే ఆ మాటను అక్కడితో ఆపేయండి. అదే తెలివైన వాళ్ళు చేసే పని.
(06:43) అదే తెలివికి నిదర్శనం. మనం ఈ ప్రపంచాన్ని ఒక్క రోజులో మార్చలేము కానీ మన మాటలను మాత్రం ఈరోజే మార్చగలం. ఈ రోజు నుండి ఒక నిర్ణయం తీసుకుందాం. గాసిప్స్ ను కాదు మంచి ఆలోచనలను పంచుదాం. ఇతరుల తప్పులను కాదు వారి మంచి లక్షణాలను గుర్తించి మాట్లాడుదాం. ఎందుకంటే మన వ్యక్తిత్వాన్ని చూపించేది మన రూపం కాదు కేవలం మన మాటలు మాత్రమే.
(07:12) ఈ వీడియో మీకు నచ్చినట్లైతే లైక్ చేయండి అలాగే మన ఛానల్ ను సబ్స్క్రైబ్ చేసుకోండి థాంక్యూ ఫర్ వాచింగ్