ధ్యానం మన రాతను మార్చగలదు..

 ధ్యానం మన రాతను మార్చగలదు..

💫🌈💫🌈💫🌈💫🌈💫🌈💫🌈💫

🌈 రైతు విత్తనాలను భూమిలో నాటినపుడు అవి నేలలో సరిగ్గా పడినా, తలక్రిందులుగా పడినా, పైకే మొలుస్తాయి. అలాగే, ధ్యానం చేసిన వారికి సత్ఫలితం తప్పక లభిస్తుంది. ధ్యానం ద్వారా అన్ని అవరోధాలు తొలగిపోతాయి.

🌈 అయితే కర్మ అనేది ఉంది. కాబట్టే .... కర్మ భూమిపైన జన్మించాము. భగవంతుడు ఎవరి కర్మను వారి చేతనే రాయిస్తారు. కారణం ఆత్మ వేరు పరమాత్మ వేరు కాదు.

🌈 దేహంతో ఉన్నంత వరకే జీవికి స్వార్థం, ఆశ, భయం , ప్రేమ ఇలాంటి లక్షణాలు ఉంటాయి. ఆత్మ వివేకం కలిగినది..

🌈 మనలో పంచ భూతాలు ఉంటాయి, నిద్రావస్థలో దేహానికి ఒక్క భూతం మటుకే కాపలాగా ఉంటుంది మిగిలిన నాలుగు భూతాలలో ఒకటి మన పాప పుణ్యాలకు పద్దు రాస్తుంది.. అదే "చిత్రగుప్తుడు".

🌈 చిత్ర మైన ఆత్మ గుప్తంగా దాగి ఉంది పాప పుణ్యాలు లెక్క రాస్తుంది. మిగిలిన మూడు భూతాలు మన ఆలోచనను బట్టి ఎక్కువగా ఏది తలుస్తుంటామో దాన్ని చూస్తుంది..

🌈 నిద్రలో వెంటనే లేవగానే కాసేపు ఎక్కడ ఉన్నాము ఎటువైపు ఉన్నాము అర్థం కాదు. కారణం మిగిలిన భూతాలు దేహంలోకి చేరాక మనకు పూర్తి సృహ వస్తుంది.. అందుకే వెంటనే లేచి వెళ్లకూడదు రెండు నిముషాలు ఆగి పడక దిగాలి అంటారు.

🌈 ఆధ్యాత్మిక సాధనలో ఉన్నవారు అధికంగా ధ్యానం చేసే వాళ్ళు స్వప్నంలో పుణ్యక్షేత్రాలు, దైవ దర్శనం పొందడానికి కారణం ఇదే ఎక్కువగా వాళ్ళు తలచే దైవాన్ని, క్షేత్రాన్ని దర్శిస్తూ ఉంటారు............

🌈 Astrol Journey స్వప్నం తోనే మొదలై తర్వాత ఎరుకలో చేసే ధ్యానంలో లో కూడా అది సాధ్యం అవుతుంది...

🌈 దేహాన్ని విడిచిన జీవుడు తిరిగి పరమాత్మ లో చేరలేక అధికంగా రోదిస్తాడు. విలువైన మానవ జీవితాన్ని పాప కర్మల ద్వారా వృధా చేసుకున్నందుకు బాధ పడతాడు. అయితే ఆ కర్మలలో పుణ్యం దైవ కార్యాలు, కూడా చేసుకొని ఉంటే మళ్ళీ మానవ జన్మ లభిస్తుంది, కానీ వారు చేసుకున్న పాపము ,పుణ్యం ఆధారంగా వారి తల రాతని వారే రాసుకుంటారు.

🌈 ఏ విధమైన జీవితం గడిపితే వారికి విముక్తి లభిస్తుందో ఆ విధంగా రాసుకుంటారు, తమ తల రాత కాబట్టి ఎక్కడ రాసేటప్పుడు స్వార్ధం కలుగుతుందో అని చెయ్యి వెనక్కి పెట్టి చూడకుండా తలరాతను నుదిటి గీతలుగా రాసుకుంటారు..

🌈 నీ తల రాత నీచే రాయబడినది , నువ్వు అనుభవిస్తున్న జీవితం నీ కర్మాను సారం నువ్వు కోరుకున్నదే, కానీ దేవుడు నాకు ఎందుకు ఇలాంటి జీవితం ఇచ్చాడు అని భగవంతుడు ని నిందించ కూడదు..

🌈 ఎవరైనా ధ్యాన సాధనకు అర్హత ఉన్న వాళ్లే .. నేను ఇది చేయవచ్చా అని ఎవరూ సందేహించాల్సిన పని లేదు కారణం దైవానికి బేధభావం లేదు. బ్రతికి ఉన్నంత కాలం మళ్ళీ మళ్ళీ అవకాశం భగవంతుడు ఇస్తూనే ఉంటాడు - మారడానికి..

🌈 అలాగే ఒక బాధ తో పాటు మంచినీ.. మంచి అవకాశాన్నీ కూడా ఇస్తూనే ఉంటాడు. అది గుర్తించాలి అంటే మన బుద్ది కి వివేకం ఉండాలి , అది కలగాలి అంటే ఆధ్యాత్మిక సాధన, ధ్యానం, సేవ, సత్సంగం, గురు సేవ, ఆలయ దర్శనం, దానం, ధర్మం, ఇలా ఎదో ఒక మార్గాన్ని ఎంచుకుంటే తక్కినవన్నీ వెన్నంటే వస్తాయి.

🌈 మనసు నిలకడకు ధ్యానమే ముఖ్య ఆయుధం, ఆధారం, గొప్ప మార్పుకి అవకాశం..

💫🌈💫🌈💫🌈💫🌈💫🌈💫🌈💫🌈

సేకరణ