మహిళామణి పరిణామం గురించి

 మహిళామణి పరిణామం గురించి

పెళ్ళిచూపుల రోజున

మొదట చూచినపుడు

ఆమె ఒక అందాలబొమ్మ

పెళ్ళి రోజున

పీటలమీద కూర్చున్నపుడు

ఆమె ఒక సౌందర్య రాశి

శొభనం రాత్రి రోజున

తెల్లచీర కట్టినపుడు 

ఆమె పోతపోసిన బంగారం

ఏకాంత యాత్రా సమయాన

అరకులోయలో విహరిస్తున్నపుడు

ఆమె పూతపూసిన సింగారం

మొదటి సంతానం కలిగినపుడు

సంతోషములో మునిగినపుడు

ఆమె ఒక సుందర రమణి

రెండవ సంతానం కలిగినపుడు

వంశోధ్ధారకుడు ఉదయించినపుడు

ఆమె ఒక సాధారణ మహిళ

మరి ఐదు వత్సరాల తరువాత

శరీరం స్థూలమయినపుడు

రూపం మార్పుచెందినపుడు

ఆమె ఒకనాటి సుందరాంగి

ఆమె అందం ఏమయింది?

ఆమె అందం ఎక్కడకు పోయింది?

ఆమె అందం ఎందుకు పోయింది?

భర్తకు ధారపోసింది 

పిల్లలకు పంచి పెట్టింది

కుంటుంబానికి ధార పోసింది...

ఇప్పుడామె ఇద్దరుపిల్లల తల్లి

ప్రేమాభిమానములుకల అమ్మ

ఒక ఇంటికి ఆదర్శగృహిణి...

భర్తకోసం పిల్లలకోసం

కుటుంబంకొసం బాధ్యతలు మోస్తున్న

అందం త్యాగంచేసిన సుగుణాలరాశి...

మానవజాతిని కొనసాగించటానికి

సమాజాన్ని వృధ్ధిచేయటానికి

దేముడిచ్చిన వరమే స్త్రీజన్మ...