రామాయణమ్. 35

...

అయోధ్యా నగర ప్రజలందరికీ పెద్దపండుగ .తమ ఇంట్లో తమ కుమారుడికే  పెళ్ళి అయ్యిందన్న ఆనందంలో మునిగితేలారు వారు. అవును ! రాముడు ప్రతి ఇంటికీ పెద్దకుమారుడే ! ప్రతి ఇల్లాలు ఆయనను తన కొడుకుగానే చూసుకొని మురిసిపోతున్నది.

.

అయోధ్యా నగరపు ప్రతి ఆడుబిడ్డ ఆయనను తమ తోడబుట్టిన వాడుగానే భావిస్తున్నది .

.

ప్రతిపౌరుడు తమ యువరాజుని తమ స్నేహితునిగానే భావిస్తున్నాడు.

.

ఆ పురంలోని పశుపక్ష్యాదులకు కూడా రాముడంటే ప్రేమ !

.

ఇంతెందుకు అయోధ్యలోని జీవరాశుల ప్రాణాలన్నిటినీ ఒకచోట కుప్పగా పోస్తే అది దాల్చే రూపం "రామయ్య".

.

(ఒక మనిషి ఇంతమంది అభిమానాన్ని చూరగొనాలంటే ఆతని ప్రవర్తన,నడవడిక ,మాట,ఆయన మనస్సు ఎంత ఉన్నతమైనవిగా ఉండాలి  !.మహర్షి వాల్మీకి మాటల్లోనే రాముని గుణగణాలు).

.

రాముడు సర్వలోక మనోహరుడు

అసూయ లేనివాడు, 

ఎల్లప్పుడూ ప్రశాంత చిత్తుడు (తొణకడు బెణకడు)

ఎవరైనా పరుషంగా తనతో మాట్లాడితే దానికి ప్రత్యుత్తరం చెప్పడు (non reactive behaviour).

.

ఎవరైనా చిన్న ఉపకారం చేసినా సంతోషపడిపోయి అది ఆ జన్మాంతము గుర్తుంచుకుంటాడు ,ఎవరైనా అపకారం తలపెడితే దానిని స్మరించడు!

.

శీలవృద్ధులు,జ్ఞానవృద్ధులు,వయోవృద్ధులు ,సత్పురుషుల వద్దకు తానుగావెళ్ళి మాట్లాడుతుంటాడు.

.

( ఈనాటి సమాజం వృద్ధుల అవసరమే లేనట్లుగా ప్రవర్తిస్తున్నది వృద్ధులకోసం ఆశ్రమాలు కట్టించి వారిని సమాజస్రవంతినుండి దూరం చేస్తున్నాం ,...మనకు తెలివితేటలు జ్ఞానం అధికంగా కలగాలంటే వృద్ధులను సేవించడమొక్కటే మార్గం ! ఆర్యచాణుక్యుడు ఇలా చెపుతారు ,జ్ఞానమ్ వృద్ధోపి సేవనమ్! అని).

.

ఆయన పరాక్రమవంతుడు ,ముల్లోకాలలో ఆయనను ఎదురొడ్డి నిలువగలవాడు లేడు !పైగా రాజపుత్రుడు ! కాబోయే సమ్రాట్టు! అయినా! ..తనకు కనపడినవాడిని అతనికంటే తానేముందు మధురంగా,మృదుమధురంగా పలకరిస్తాడు ,బుద్ధిమంతుడు!

.

బుద్ధి మాన్ మధురాభాషీ పూర్వభాషీ ప్రియంవదః

వీర్యవాన్న చ వీర్యేణ మహతా స్వేన విస్మితః

.

(ఎంత అద్భుతమైన పదప్రయోగమో ! మధురభాషీ..మధురంగా మాట్లాడతాడట,... పూర్వభాషీ..=ముందుగానే మాట్లాడతాడట

ప్రియంవదః =  ప్రియంగా పలుకుతాడట! )

.

అసత్య మాడి ఎరుగడు ,పెద్దలను సగౌరవంగా ఎదురేగి పూజిస్తాడు,

.

పనికిరాని ,,  శ్రేయస్కరం కాని విషయాలను ,కార్యాలను పట్టించుకొనడు! 

.

ఏ సమయంలో, ఏదేశంలో ఏపని చేయాలో చాలా చక్కగా తెలిసినవాడు .

.

లోపలున్నభావాలను ఏమాత్రమూ బయటకు తెలియనిచ్చేవాడుకాదు! ఆలోచనలను రహస్యంగా ఉంచుకుంటాడు(మంచి Administrator కి అత్యంత అవసరమైన లక్షణం).

.

మొండిపట్టుదల లేనివాడు  ( highly flexible)

.

ఇతరులలోని దోషాలనే కాదు ! తనలోని దోషాలను కూడా గుర్తించగలవాడు . 

(ఈ జ్ఞానం మనకెప్పటికైనా కలుగుతుందా అని ప్రశ్న వేసుకుంటే ! కలుగుతుంది అని సమాధానం వస్తుంది! 

కానీ ఎప్పుడు!? ,ధర్మశాస్త్రాలు క్షుణ్ణంగా అధ్యయనం చేసి మనని మనం బయటివ్యక్తిగా భావించి మనలోకి మనం తొంగిచూసినప్పుడు! మన ప్రతి అడుగును శాస్త్రానికి అణుగుణంగా ఉన్నదో లేదో కొలుచుకోగలిగి నప్పుడు! అప్పుడు!)

.

జానకిరామారావు వూటుకూరు గారి 

సౌజన్యం తో ....

*ధర్మధ్వజం*

హిందు చైతన్య వేదిక