* *శ్రీ అది శంకరాచార్య విరచిత/శ్రీమచ్ఛంకర భగవత: శ్రీ హరి మీడే స్తోత్రం...*.           ❤️🕉️❤️

  *1) స్తోష్యే భక్త్యా విష్ణుమనాదిం జగదాదిం యస్మిన్నే తత్సంసృతి చక్రం భ్రమతీత్థం !*

 *యస్మిన్ దృష్టే నశ్యతి తత్సంసృతి చక్రం తం సంసార ధ్వాంత వినాశం హరిమీడే !!*

*2)యస్యైకాంశాదిత్థమశేషం జగదేతత్ ప్రాదుర్భూతం యేన పినద్ధం పునరిత్థం !*

 *యేన వ్యాప్తం యేన విబుద్ధం సుఖదుఃఖైస్తం సంసార ధ్వాంత వినాశం హరిమీడే !!*

 *3) సర్వజ్ఞో యో యశ్చ హి సర్వః సకలో యో యశ్చానందోఽనంతగుణో యో గుణధామా !*

 *యశ్చాఽవ్యక్తో వ్యస్తసమస్తః సదసద్యస్తం సంసారధ్వాంతవినాశం హరిమీడే !!*

*4)యస్మాదన్యం నాస్త్యపి నైవం పరమార్థం దృశ్యా దన్యో నిర్విషయ జ్ఞానమయత్వాత్ !*

 *జ్ఞాతృజ్ఞానజ్ఞేయవిహీనోఽపి సదా జ్ఞస్తం సంసార ధ్వాంత వినాశం హరిమీడే !!*

*5)ఆచార్యేభ్యో లబ్ధసుసూక్ష్మాఽచ్యుతతత్త్వా వైరాగ్యేణాభ్యాస బలాచ్చైవ ద్రఢిమ్నా !*

 *భక్త్యైకాగ్రధ్యానపరాం యం విదురీశం తం సంసార ధ్వాంత వినాశం హరిమీడే!!* 

*6)ప్రాణానాయమ్యోమితి చిత్తం హృది రుద్ధ్వా నాన్యత్స్మృత్వా తత్పునరత్రైవ విలాప్య !*

*క్షీణే చిత్తే భాదృశిరస్మీతి విదుర్యం తం సంసార ధ్వాంత వినాశం హరిమీడే !!*

*7)యం బ్రహ్మాఖ్యం దేవమనన్యం పరిపూర్ణం హృత్స్థం భక్తైర్లభ్యమజం సూక్ష్మమతర్క్యం !*

 *ధ్యాత్వాత్మస్థం బ్రహ్మవిదో యం విదురీశం తం సంసారధ్వాంతవినాశం హరిమీడే !!* 

*8)మాత్రాతీతం స్వాత్మవికాశాత్మవిబోధం జ్ఞేయాతీతం జ్ఞానమయం హృద్యుపలభ్యం !*

 *భావగ్రాహ్యానందమనన్యం చ విదుర్యం తం సంసార ధ్వాంత వినాశం హరిమీడే !!*

*9)యద్యద్వేద్యం వస్తుసతత్త్వం విషయాఖ్యం తత్తద్బ్రహ్మైవేతి విదిత్వా తదహం చ !*

 *ధ్యాయంత్యేవం యం సనకాద్యా మునయోఽజం తం సంసార ధ్వాంత వినాశం హరిమీడే !!*

 *10)యద్యద్వేద్యం తత్తదహం నేతి విహాయ స్వాత్మ జ్యోతిర్జ్ఞానమయానందమవాప్య !*

 *తస్మిన్నస్మిత్యాత్మవిదో యం విదురీశం తం సంసార ధ్వాంత వినాశం హరిమీడే !!*

*11)హిత్వా హిత్వా దృశ్యమశేషం సవికల్పం మత్వా శిష్టం భాదృశిమాత్రం గగనాభం !*

 *త్యక్త్వా దేహం యం ప్రవిశంత్యచ్యుతభక్తాస్తం సంసార ధ్వాంత వినాశం హరిమీడే !!*

 *12)సర్వత్రాస్తే సర్వశరీరీ న చ సర్వః సర్వం వేత్త్యేవేహ న యం వేత్తి హి సర్వః !*

 *సర్వత్రాంతర్యామితయేత్థం యమయన్ యస్తం సంసార ధ్వాంత వినాశం హరిమీడే !!* 

*13)సర్వం దృష్ట్వా స్వాత్మని యుక్త్యా జగదేతద్ దృష్ట్వాత్మాన చైవమజం సర్వజనేషు !*

 *సర్వాత్మైకోఽస్మీతి విదుర్యం జనహృత్స్థం తం సంసార ధ్వాంత వినాశం హరిమీడే !!*

*14)సర్వత్రైవ పశ్యతి జిఘ్రత్యథ భుంక్తే స్పష్టా శ్రోతా బుధ్యతి చేత్యాహురిమం యం !*

 *సాక్షీ చాస్తే కర్తృషు పశ్యన్నితి చాన్యే తం సంసార ధ్వాంత వినాశం హరిమీడే !!* 

*15)పశ్యన్ శృణ్వన్నత్ర విజానన్ రసయన్ సన్ జిఘ్రన్ బిభ్రద్దేహమిమం జీవతయేత్థం !*

 *ఇత్యాత్మానం యం విదురీశం విషయజ్ఞం తం సంసార ధ్వాంత వినాశం హరిమీడే !!*

*16)జాగ్రద్ దృష్ట్వా స్థూలపదార్థానథ మాయాం దృష్ట్వా స్వప్నేఽథాఽపి సుషుప్తౌ సుఖనిద్రాం !*

 *ఇత్యాత్మానం వీక్ష్య ముదాస్తే చ తురీయే తం సంసార ధ్వాంత వినాశం హరిమీడే !!*

*17)పశ్యఞ శుద్ధోఽప్యక్షర ఏకో గుణభేదాన్ నానాకారాన్ స్ఫాటిక వద్భాతి విచిత్రః !*

 *భిన్నశ్ఛిన్నశ్చాయమజః కర్మఫలైర్యస్తం సంసార ధ్వాంత వినాశం హరిమీడే !!* 

*18)బ్రహ్మా విష్ణూ రుద్రహుతాశౌ రవిచంద్రావింద్రో వాయుర్యఞ ఇతీత్థం పరికల్ప్య !*

 *ఏకం సంతం యం బహుధాహుర్మతిభేదాత్ తం సంసార ధ్వాంత వినాశం హరిమీడే !!*

*19)సత్యం జ్ఞానం శుద్ధమనంతం వ్యతిరిక్తం శాంతం గూఢం నిష్కల మానందమనన్యం !*

 *ఇత్యాహాదౌ యం వరుణోఽసౌ భృగవేఽజం తం సంసార ధ్వాంత వినాశం హరిమీడే !!* 

*20)కోశానేతాన్ పంచ రసాదీనతిహాయ బ్రహ్మాస్మీతి స్వాత్మని నిశ్చిత్య దృశిస్థః !*

 *పిత్రా శిష్టో వేద భుగుర్యం యజురంతే తం సంసార ధ్వాంత వినాశం హరిమీడే!!* 

*21)యేనావిష్టో యస్య చ శక్త్యా యదధీనః క్షేత్రజ్ఞోఽయం కారయితా జంతుషు కర్తుః !*

 *కర్తా భోక్తాత్మాత్ర హి యచ్ఛక్త్యధి రూఢస్తం సంసార ధ్వాంత వినాశం హరిమీడే !!*

 *22)సృష్ట్వా సర్వం స్వాత్మతయైవేత్థమతర్క్యం వ్యాప్యాథాంతః కృత్స్నమిదం సృష్టమశేషం !*

*సచ్చ త్యచ్చా భూత్పరమాత్మా స య ఏకస్తం సంసార ధ్వాంత వినాశం హరిమీడే !!*

*23) వేదాంతైశ్చాధ్యాత్మికశాస్త్రైశ్చ పురాణైః శాస్త్రైశ్చాన్యైః సాత్వతతంత్రైశ్చ యమీశం !*

 *దృష్ట్వాథాంతశ్చేతసి బుద్ధ్వా వివిశుర్యం తం సంసార ధ్వాంత వినాశం హరిమీడే !!*

*24)శ్రద్ధాభక్తిధ్యానశమాద్యైర్యతమానైర్జ్ఞాతుం శక్యో దేవ ఇహైవాశు య ఈశః !*

 *దుర్విజ్ఞేయో జన్మశతైశ్చాఽపి వినా తైస్తం సంసార ధ్వాంత వినాశం హరిమీడే !!*

*25)యస్యాతర్క్యం స్వాత్మవిభూతేః పరమార్థం సర్వం ఖల్విత్యత్ర నిరుక్తం శ్రుతివిద్భిః !*

 *తజ్జాదిత్వాదబ్ధితరంగాభమభిన్నం తం సంసార ధ్వాంత వినాశం హరిమీడే !!*

*26)దృష్ట్వా గీతాస్వక్షరతత్త్వం విధినాజం భక్త్యా గుర్వ్యాఽఽలభ్య హృదిస్థం దృశిమా

త్రం !*

*ధ్యాత్వా తస్మిన్న స్మ్యహ మిత్యత్ర విదుర్యం తం సంసార ధ్వాంత వినాశం హరిమీడే !!* 

*27)క్షేత్రజ్ఞత్వం ప్రాప్య విభుః పంచముఖైర్యో భుంక్తేఽజస్త్రం భోగ్యపదార్థాన్ ప్రకృతిస్థః !*

 *క్షేత్రే క్షేత్రేఽప్స్విందు వదేకో బహుధాస్తే తం సంసార ధ్వాంత వినాశం హరిమీడే !!* 

*28)యుక్త్యాలోడ్య వ్యాసవచాంస్యత్ర హి లభ్యః క్షేత్ర క్షేత్రజ్ఞాంతరవిద్భిః పురుషాఖ్యః !*

 *యోఽహం సోఽసౌ సోఽస్మ్యహమేవేతి విదుర్యం తం సంసార ధ్వాంత వినాశం హరిమీడే !!*

*29)ఏకీకృత్యానేకశరీరస్థమిమం జ్ఞం యం విజ్ఞాయేహైవ స ఏవాశు భవంతి !*

*యస్మి ల్లీనా నేహ పునర్జన్మ లభంతే తం సంసార ధ్వాంత వినాశం హరిమీడే !!*

*30)ద్వంద్వైకత్వం యచ్చ మధు బ్రాహ్మణ వాక్యైః కృత్వా శక్రోపాసన మాసాద్య విభూత్యా !* 

*యోఽసౌ సోఽహం సోఽస్మ్యహమేవేతి విదుర్యం తం సంసార ధ్వాంత వినాశం హరిమీడే !!*

*31)యోఽయం దేహే చేష్టయితాఽన్తఃకరణస్థః సూర్యే చాసౌ తాపయితా సోఽస్మ్యహమేవ !*

 *ఇత్యాత్మైక్యోపాసనయా యం విదురీశం తం సంసార ధ్వాంత వినాశం హరిమీడే !!* 

*32)విజ్ఞానాంశో యస్య సతః శక్త్యధిరూఢో బుద్ధిర్బుధ్యత్యత్ర బహిర్బోధ్యపదార్థాన్ !*

 *నైవాంతఃస్థం బుధ్యతి తం బోధయితారం తం సంసారధ్వాంతవినాశం హరిమీడే !!*

*33)కోఽయం దేహే దేవ ఇతీత్థం సువిచార్య జ్ఞాతా శ్రోతాఽఽనందయితా చైష హి దేవః !*

 *ఇత్యాలోచ్య జ్ఞాంశ ఇహాస్మీతి విదుర్యం తం సంసార ధ్వాంత వినాశం హరిమీడే !!*

*34) కో హ్యేవాన్యా దాత్మని న స్యాదయ మేష హ్యేవానందః ప్రాణితి చాపానితి చేతి !*

 *ఇత్యస్తిత్వం వక్త్యుపపత్త్యా శ్రుతిరేషా తం సంసార ధ్వాంత వినాశం హరిమీడే !!* 

*35)ప్రాణో వాఽహం వాక్శ్రవణాదీని మనో వా బుద్ధిర్వాహం వ్యస్త ఉతాహోఽపి సమస్తః !*

 *ఇత్యాలోచ్య జ్ఞప్తిరిహాస్మీతి విదుర్యం తం సంసార ధ్వాంత వినాశం హరిమీడే !!*

*36) నాహం ప్రాణో నైవ శరీరం న మనోఽహం నాహం బుద్ధిర్నాహమహంకారధియౌ చ !* 

*యోఽత్ర జ్ఞాంశః సోఽస్మ్యహమేవేతి విదుర్యం తం సంసార ధ్వాంత వినాశం హరిమీడే !!* 

*37)సత్తామాత్రం కేవలవిజ్ఞానమజం సత్ సూక్ష్మం నిత్యం తత్త్వమసీత్యాత్మసుతాయ!*

*సామ్నామంతే ప్రాహ పితా యం విభుమాద్యం తం సంసారధ్వాంత వినాశం హరిమీడే !!* 

*38)మూర్తామూర్తే పూర్వమపోహ్యాథ సమాధౌ దృశ్యం సర్వం నేతి చ నేతీతి విహాయ !*

*చైతన్యాంశే స్వాత్మని సంతం చ విదుర్యం తం సంసారధ్వాంత వినాశం హరిమీడే !!*

*39)ఓతం ప్రోతం యత్ర చ సర్వం గగనాంతం యోఽస్థూలాఽనణ్వాదిషు సిద్ధోఽక్షర సంజ్ఞః !*

 *జ్ఞాతాఽతోఽన్యో నేత్యుపలభ్యో న చ వేద్యస్తం సంసార ధ్వాంత వినాశం హరిమీడే !!*

*40)తావత్సర్వం సత్యమివాభాతి యదేతద్ యావత్సోఽస్మీత్యాత్మని యో జ్ఞో న హి దృష్టః !*

  *దృష్టే యస్మిన్సర్వ మసత్యం భవతీదం తం సంసార ధ్వాంత వినాశం హరిమీడే !!*

*41)రాగాముక్తం లోహయుతం హేమ యథాగ్నౌ యోగాష్టాంగేరుజ్జ్వలితజ్ఞానమయాగ్నౌ !*

 *దగ్ధ్వాత్మానం జ్ఞం పరిశిష్టం చ విదుర్యం తం సంసార ధ్వాంత వినాశం హరిమీడే !!* 

*42)యం విజ్ఞాన జ్యోతిషమాద్యం సువిభాంతం హృద్యర్కేంద్వగ్న్యోకసమీడ్యం తడిదాభం !*

 *భక్త్యాఽఽరాధ్యేహైవ విశంత్యాత్మని సంతం తం సంసారధ్వాంత వినాశం హరిమీడే !!* 

*43)పాయాద్భక్తం స్వాత్మని సంతం పురుషం యో భక్త్యా స్తౌతీత్యాంగిరసం విష్ణురిమం మాం !*

 *ఇత్యాత్మానం స్వాత్మని సంహృత్య సదైకస్తం సంసార ధ్వాంత వినాశం హరిమీడే !!* 

*44)ఇత్థం స్తోత్రం భక్తజనేడ్యం భవభీతిధ్వాంతార్కాభం భగవత్పాదీయ మిదం యః !*

*విష్ణోర్లోకం పఠతి శృణోతి వ్రజతి జ్ఞో జ్ఞానం జ్ఞేయం స్వాత్మని చాప్నోతి మనుష్యః !!*

*ఇతి శ్రీమచ్ఛంకర భగవతః కృతః శ్రీ హరి మీడే స్తోత్రం సమాప్తం.*..🌞🙏🌹. *ఆధ్యాత్మిక కుటుంబం*