*శ్రీ హనుమదష్టకం*

*🚩శ్రీరామ జయం శ్రీరామ జయం శ్రీరామజయం🚩*

శ్రీ రఘురాజపదాబ్జనికేతన పఙ్కజలోచన మఙ్గలరాశే

చణ్డమహాభుజదణ్డసురారివిఖణ్డనపణ్డిత పాహి దయాళో ।

పాతకినం చ సముద్ధర మాం మహతాం హి సతామపి మానముదారం

*త్వాం భజతో మమ దేహి దయాఘన* 

*హే హనుమన్ స్వపదామ్బుజదాస్యం* ॥1॥

సంసృతితాపమహానలదగ్ధతనూరుహమర్మతనోరతివేలం

పుత్రధనస్వజనాత్మగృహాదిషు సక్తమతేరతికిల్బిషమూర్తేః ।

కేనచిదప్యమలేన పురాకృతపుణ్యసుపుఞ్జలవేన విభో వై

*త్వాం భజతో మమ దేహి దయాఘన* 

*హే హనుమన్ స్వపదామ్బుజదాస్యం* ॥2॥

సంసృతికూపమనల్పమఘోరనిదాఘనిదానమజస్రమశేషం

ప్రాప్య సుదుఃఖసహస్రభుజఙ్గవిషైకసమాకులసర్వతనోర్మే ।

ఘోరమహాకృపణాపదమేవ గతస్య హరే పతితస్య భవాబ్ధౌ

*త్వాం భజతో మమ దేహి దయాఘన* 

*హే హనుమన్ స్వపదామ్బుజదాస్యం* ॥3॥

సంసృతిసిన్ధువిశాలకరాళమహాబలకాలఝషగ్రసనార్తం

వ్యగ్రసమగ్రధియం కృపణం చ మహామదనక్రసుచక్రహృతాసుమ్ ।

కాలమహారసనోర్మినిపీడితముద్ధర దీనమనన్యగతిం మాం

*త్వాం భజతో మమ దేహి దయాఘన* 

*హే హనుమన్స్వపదామ్బుజదాస్యం* ॥4॥

సంసృతిఘోరమహాగహనే చరతో మణిరఞ్జితపుణ్యసుమూర్తేః

మన్మథభీకరఘోరమహోగ్రమృగప్రవరార్దితగాత్రసుసన్ధేః ।

మత్సరతాపవిశేషనిపీడితబాహ్యమతేశ్చ కథఞ్చిదమేయం

*త్వాం భజతో మమ దేహి దయాఘన* 

*హే హనుమన్స్వపదామ్బుజదాస్యం* ॥5॥

సంసృతివృక్షమనేకశతాఘనిదానమనన్తవికర్మసుశాఖం

దుఃఖఫలం కరణాదిపలాశమనఙ్గసుపుష్పమచిన్త్యసుమూలమ్ ।

తం హ్యధిరుహ్య హరే పతితం శరణాగతమేవ విమోచయ మూఢం

*త్వాం భజతో మమ దేహి దయాఘన* 

*హే హనుమన్స్వపదామ్బుజదాస్యం* ॥6॥

సంసృతిపన్నగవక్త్రభయఙ్కరదంష్ట్రమహావిషదగ్ధశరీరం

ప్రాణవినిర్గమభీతిసమాకులమన్దమనాథమతీవ విషణ్ణమ్ ।

మోహమహాకుహరే పతితం దయయోద్ధర మామజితేన్ద్రియకామం

*త్వాం భజతో మమ దేహి దయాఘన* 

*హే హనుమన్ స్వపదామ్బుజదాస్యం* ॥7॥

ఇన్ద్రియనామకచౌరగణైర్హృతతత్త్వవివేకమహాధనరాశిం

సంసృతిజాలనిపాతితమేవ మహాబలిభిశ్చ విఖణ్డితకాయమ్ ।

త్వత్పదపద్మమనుత్తమమాశ్రితమాశు కపీశ్వర పాహి కృపాలో

*త్వాం భజతో మమ దేహి దయాఘన* 

*హే హనుమన్స్వపదామ్బుజదాస్యం* ॥8॥

బ్రహ్మమరుద్గణరుద్రమహేన్ద్రకిరీటసుకోటిలసత్పదపీఠం

దాశరథిం జయతి క్షితిమణ్డల ఏష నిధాయ సదైవ హృదబ్జే ।

తస్య హనూమత ఏవ శివఙ్కరమష్టకమేతదనిష్టహరం వై

యః సతతం హి పఠేత్స నరో లభతేఽచ్యుతరామపదాబ్జనివాసమ్ ॥

*//ఇతి శ్రీ మధుసూదనాశ్రమ శిష్యాచ్యుత విరచితమ్ శ్రీమత్ హనుమదష్టకం సంపూర్ణం//*

*🚩శ్రీరామ జయరామ జయజయరామ🚩*

     

🟡🔵🔴🟢🙏🟢🔴🔵🟡

  *శ్రీ ఆంజనేయ అష్టోత్తర శతనామావళిః* 

ఓం ఆంజనేయాయ నమః 

ఓం మహావీరాయ నమః 

ఓం హనుమతే నమః 

ఓం మారుతాత్మజాయ నమః

ఓం తత్త్వజ్ఞానప్రదాయ నమః

ఓం సీతాదేవీముద్రాప్రదాయకాయ నమః

ఓం అశోకవనికాచ్చేత్రే నమః 

ఓం సర్వమాయావిభంజనాయ నమః 

ఓం సర్వబంధవిమోక్తే నమః ||09||

ఓం రక్షోవిధ్వంసకారకాయ నమః

ఓం పరవిద్యాపరీహారాయ నమః 

ఓం పరశౌర్యవినాశనాయ నమః 

ఓం పరమంత్రనిరాకర్త్రే నమః

ఓం పరయంత్రప్రభేదకాయ నమః 

ఓం సర్వగ్రహవినాశినే నమః 

ఓం భీమసేనసహాయకృతే నమః 

ఓం సర్వదుఃఖహరాయ నమః 

ఓం సర్వలోకచారిణే నమః  ||18||

ఓం మనోజవాయ నమః

ఓం పారిజాతద్రుమూలస్థాయ నమః

ఓం సర్వమంత్రస్వరూపవతే నమః

ఓం సర్వతంత్రస్వరూపిణే నమః

ఓం సర్వయంత్రాత్మకాయ నమః

ఓం కపీశ్వరాయ నమః 

ఓం మహాకాయాయ నమః 

ఓం సర్వరోగహరాయ నమః 

ఓం ప్రభవే నమః  ||27||

ఓం బలసిద్ధికరాయ నమః 

ఓం సర్వవిద్యాసంపత్ప్రదాయకాయ నమః

ఓం కపిసేనానాయకాయ నమః

ఓం భవిష్యచ్చతురాననాయ నమః

ఓం కుమారబ్రహ్మచారిణే నమః

ఓం రత్నకుండలదీప్తిమతే నమః

ఓం సంచలద్వాలసన్నద్ధలంబమానశిఖోజ్జ్వలాయ నమః 

ఓం గంధర్వవిద్యాతత్త్వజ్ఞాయ నమః 

ఓం మహాబలపరాక్రమాయ నమః  ||36||

ఓం కారాగృహవిమోక్తే నమః

ఓం శృంఖలాబంధమోచకాయ నమః

ఓం సాగరోత్తారకాయ నమః

ఓం ప్రాజ్ఞాయ నమః

ఓం రామదూతాయ నమః

ఓం ప్రతాపవతే నమః

ఓం వానరాయ నమః 

ఓం కేసరీసుతాయ నమః |

ఓం సీతాశోకనివారకాయ నమః ||45||

ఓం అంజనాగర్భసంభూతాయ నమః 

ఓం బాలార్కసదృశాననాయ నమః

ఓం విభీషణప్రియకరాయ నమః 

ఓం దశగ్రీవకులాంతకాయ నమః 

ఓం లక్ష్మణప్రాణదాత్రే నమః

ఓం వజ్రకాయాయ నమః 

ఓం మహాద్యుతయే నమః 

ఓం చిరంజీవినే నమః

ఓం రామభక్తాయ నమః ||54||

ఓం దైత్యకార్యవిఘాతకాయ నమః

ఓం అక్షహంత్రే నమః 

ఓం కాంచనాభాయ నమః 

ఓం పంచవక్త్రాయ నమః 

ఓం మహాతపసే నమః 

ఓం లంకిణీభంజనాయ నమః

ఓం శ్రీమతే నమః

ఓం సింహికాప్రాణభంజనాయ నమః

ఓం గంధమాదనశైలస్థాయ నమః   ||63||

ఓం లంకాపురవిదాహకాయ నమః

ఓం సుగ్రీవసచివాయ నమః

ఓం ధీరాయ నమః 

ఓం శూరాయ నమః 

ఓం దైత్యకులాంతకాయ నమః

ఓం సురార్చితాయ నమః 

ఓం మహాతేజసే నమః

ఓం రామచూడామణిప్రదాయ నమః 

ఓం కామరూపిణే నమః ||72||

ఓం పింగళాక్షాయ నమః

ఓం వార్ధిమైనాక పూజితాయ నమః 

ఓం కబళీకృతమార్తాండమండలాయ నమః 

ఓం విజితేంద్రియాయ నమః 

ఓం రామసుగ్రీవసంధాత్రే నమః 

ఓం మహిరావణమర్దనాయ నమః 

ఓం స్పటికాభాయ నమః 

ఓం వాగధీశాయ నమః  

ఓం నవవ్యాకృతిపండితాయ నమః ||81||

ఓం చతుర్బాహవే నమః

ఓం దీనబంధవే నమః

ఓం మహాత్మనే నమః

ఓం భక్తవత్సలాయ నమః 

ఓం సంజీవననగాహర్త్రే నమః 

ఓం శుచయే నమః

ఓం వాగ్మినే నమః |

ఓం దృఢవ్రతాయ నమః 

ఓం కాలనేమిప్రమథనాయ నమః ||90||

ఓం హరిమర్కట మర్కటాయ నమః 

ఓం దాంతాయ నమః 

ఓం శాంతాయ నమః 

ఓం ప్రసన్నాత్మనే నమః

ఓం శతకంఠమదాపహృతే నమః 

ఓం యోగినే నమః 

ఓం రామకథాలోలాయ నమః

ఓం సీతాన్వేషణపండితాయ నమః

ఓం వజ్రదంష్ట్రాయ నమః ||99||

ఓం వజ్రనఖాయ నమః

ఓం రుద్రవీర్యసముద్భవాయ నమః 

ఓం ఇంద్రజిత్ప్రహితామోఘబ్రహ్మాస్త్ర వినివారకాయ నమః 

ఓం పార్థధ్వజాగ్రసంవాసినే నమః 

ఓం శరపంజరభేదకాయ నమః 

ఓం దశబాహవే నమః 

ఓం లోకపూజ్యాయ నమః

ఓం జాంబవత్ప్రీతివర్ధనాయ నమః 

ఓం సీతాసమేతశ్రీరామపాదసేవాధురంధరాయ నమః ||108||

*🚩//ఇతి శ్రీ ఆంజనేయ అష్టోత్తర శతనామావళిః//🚩*