*`తెలిసి తెలియని వయసులో...`*

*అమ్మ "తలవెంట్రుక"  తినే వాటిలో వస్తే   తల వెంట్రుక వచ్చిందని*

*"అమ్మపై"గట్టిగా అరిచే వాడిని, చిరాకు పడేవాడిని,*

*కొంతకాలానికి నా వయసుతో పాటు ఆలోచన కూడా మారింది.*

*తన రక్తం పంచుకుని పుట్టిన నేను* 

*నా పుట్టుకకి కారణం అయిన తనని,*

*చిన్న తల వెంట్రుక తినే వాటిలో  వచ్చిందని "కోపడటం"  సరైనది కాదు అనుకున్నాను.*

*అప్పటినుండి ఇప్పటి వరకూ ఎన్ని సార్లు తినే వాటిలో "తల వెంట్రుక" కనిపించిన  కూల్ గా తీసి పక్కన పడేసి  తింటాను.*

*కారణం :  వాళ్ళు అలా అయిపోవడానికి కారణమే మనం,* 

*వాళ్ళ ఆరోగ్య సమస్యలకి కారణం మనం,*

*వాళ్ల  నడుం నొప్పులకు, కాళ్ళ నొప్పులకు, ఆయాసానికి, తలపోట్లకు, కారణం మనం. అలాంటప్పుడు.*

*తల వెంట్రుక వచ్చిందని,*

*కూరలో ఉప్పు లేదని, కారం లేదని, రుచిగా లేదని, సరిగా ఉడకలేదని,*

*ఇలాంటి  మాటలు  అనడం కరెక్ట్ కాదు.*

*ఎందుకంటే  వాళ్ళు మనకి చేసిన వాటితో పోలిస్తే మనం వాళ్ళకి చేస్తున్నది చాలా తక్కువ.*

*వాళ్ళ జీవితకాలం మొత్తం మనకోసం మాత్రమే కష్టపడ్డారు. కష్టపడుతూనే ఉన్నారు.*

*వాళ్ళ కష్టానికి విలువ ఇవ్వకపోయినా పర్వాలేదు,* *పొగడకపోయినా పర్వాలేదు, కానీ  చిరాకు పడకండి,* *కోపడకండి, విసుక్కోకండి, అసహ్యంగా మాట్లాడకండి.* 

*తిన్నవా అని అడగకపోయినా పర్వాలేదు గానీ..*

*మనకోసం వండి పెట్టిన వాటికి పేర్లు పెట్టకండి.*

*పైన చెప్పినవన్నీ కూడా  మనకోసం రోజంతా కష్టపడే భార్యకు కూడా వర్తిస్తుంది.*

*తల్లి నడక నేర్పిస్తే....*

*భార్య ఆ నడకను జీవితాంతం నడిపిస్తుంది.*

*ఒకరు ఎక్కువ కాదు. ఇంకొకరు తక్కువా కాదు.*

*మగాడి జీవితంలో  "తల్లి" "భార్య" ఇద్దరూ రెండు కళ్ళతో సమానం.*

*బంధాలు దూరం అయ్యాక  అలా ఉంటే బాగుండేది, ఇలా ఉంటే బాగుండేది అని బాధ పడేకంటే  ఉన్నప్పుడే  జాగ్రత్తగా బాధ్యతగా చూసుకోవడం మంచిది.*🙏